पत्रकार बनेर सोनाक्षी सोध्न चाहन्छिन् सलमानलाई यो प्रश्न !

पाकिस्तानी उपन्यास ‘कराची यू आर किलिंग मी’ मा आधारित फिल्म ‘नूर’ मा सोनाक्षी सिन्हा एक पत्रकारको भूमिकामा देखिँदैछिन् । आफ्नो यो फिल्मको गीत ‘गुलाबी २.०’ को लञ्च कार्यक्रममा जब सोनाक्षीलाई पत्रकारहरुले प्रश्न गरे यदी तपाई रियललाइफमा पत्रकार हुनु भएको भए आफ्नो पिता शत्रुघ्न सिन्हालाई के प्रश्न गर्न चाहनुहुन्थ्यो ? तब सोनाक्षीले भनिन्, ‘’एक यस्तो प्रश्न सोध्न मन लागेको छ, जुन प्रश्नको उत्तर पिताले दिँदा ‘खामोश’ सुन्न नपरोस् ।’’
त्यसपछि सोनाक्षीलाई फेरी पत्रकारले सोधे सलमानलाई चाहिँ के प्रश्न सोध्नु हुन्थ्यो ? यसमा सोनाक्षीले भनिन्, ‘’त्यहिँ प्रश्न सोध्थें, जो बर्षौदेखी सबैले प्रश्न गर्दै आइरहेका छन् । तपाईहरुले बुझ्नु भयो ।’’
जवाफ दिँदै सोनाक्षी हाँसिरहेकी थिइन् र उनको इशारा सलमानको विवाहमाथी नै थियो । सोनाक्षीले मस्ती-मस्तीमा अगाडी भनिन्, “यो प्रश्न तपाईहरु सलमानसँग आफै नै सोध्नुहोला, मैले पिटाइखानु छैन ।”