‘डायरी’ सुरु गर्दै ‘डल्ली’ ले काटिन् जन्मदिनको केक

चलचित्र ‘नोभेम्बर रेन’ मा ‘डल्ली’ की भुमिका निर्वाह गरेकी नायिका छुल्ठिम गुरुङले आफ्नो जन्मदिनको केक काट्दै चलचित्र ‘डायरी’ को पनि छायाँकन सुरु गरेकी छिन् । शनिबार काठमाण्डौको कमलादीस्थित गणेश मन्दिरमा पुजा गर्दै छुल्ठिमले आफुले निर्माण र अभिनय गर्ने चलचित्र ‘डायरी’ को छायाँकन सुरु गरेकी हुन् । उनले यो चलचित्र पहिलो पटक निर्माण गर्न लागेकी हुन् । जन्मदिनको केक काट्दै गर्दा उनले आफ्नो उमेर भने खुलाउन चाहिनन् । शनिबार काठमाण्डौमा केही दृश्यहरु खिचिएको छ । यसपछि चलचित्र छायांकनका लागि टोली हेटौडा र चितवन पुग्नेछ । छुल्ठिमका अलवा यो चलचित्रमा रेखा थापा, सनी सिंह, राजु लामा, कुशल विष्ट, दिनेश डिसी, रुपा राना, विनोद पौडेल लगाएतका कलाकारहरुको अभिनय रहने छ । चलचित्रलाई अनिल योञ्जनले निर्देशन गरिरहेका छन् । ‘डायरी’ मा नायिका रेखा थापा भिलेन ‘रानी’ को भूमिकामा प्रस्तुत हुनेछिन् ।