‘पुरानो डुङ्गा’ प्रिमियर : प्रियंका नहुँदा केकीसँग दयाहाङ, नम्रता देखिइन प्रेमीसँग

 ‘कबड्डी’, ‘कबड्डी कबड्डी’ चलचित्र निर्देशन गरेर आफुलाई सफल निर्देशकको रुपमा स्थापित गराएका निर्देशक रामबाबु गुरुङले निर्देशन गरेको चलचित्र ‘पुरानो डुङगा’ यही शुक्रबारबाट देशव्यापी प्रदशनमा आउँदैछ । प्रदर्शनमा आउनु अगाडी वुधबार राजधानीको जय नेपाल हलमा निर्माणपक्षले चलचित्रको भव्य प्रिमियर शोको आयोजना गरेको थियो । चलचित्र ‘पुरानो डुङगा’ को प्रिमियरमा चलचित्रका कलाकारहरु दयाहाङ राई, मेनुका प्रधान, लेखक उपेन्द्र सुब्बा, बुद्धि तामाङ लगायत उपस्थित भएका थिए । त्यस्तै प्रिमियरमा केकी अधिकारी, आर्यन सिग्देल, पुजा शर्मा, नम्रता श्रेष्ठ, बर्षा राउत, निर्देशक निश्चल बस्नेत लगायतको पनि उपस्थिती रहेको थियो । बेलायतबाट नेपाल आएर चलचित्रका मुख्य कलाकार दयाहाङ राई प्रिमियरमा उपस्थित भएका थिए । उनी, वुधबार बेलुकी चलचित्रका निर्देशक रामबाबु गुरुङसँग अष्ट्रेलिया शोका लागि प्रस्थान पनि गरे । प्रिमियरमा नायिका मेनुका प्रधान, कलाकार माओत्से गुरुङ उपस्थित थिए । तर, नायिका प्रियंका कार्की भने बेलायतमा रहेकाले कार्यक्रममा उपस्थित हुन सकिनन् ।‘पुरानो डुङगा’ को प्रिमियरमा नम्रता श्रेष्ठ भने प्रेमी दावा स्टीभन शेर्पासँग देखिएकी थिइन । प्रिमियरमा चलचित्र पुरानो डुङगाले पत्रकार र चलचित्रकर्मीहरुबाट मिश्रित प्रतिक्रिया पाएको छ । निर्देशक रामबाबु गुरुङले निर्देशन गरेको यो चलचित्रमा माओत्से गुरुङ, दयाहाङ राई, प्रियंका कार्की, मेनुका प्रधान, वुद्धि तामाङ, पुष्कर गुरुङ, धन बहादुर गुरुङ, सजन थापा, नौजङ गुरुङ, विश्वास गुरुङ र पूर्णिमा गुरुङको मुख्य भूमिका रहेको छ । चलचित्रमा रौनक विक्रम कँडेल, ओम चन्द्र रौनियार, धन बहादुर गुरुङ निर्माता रहेको चलचित्रमा बाल्मिकी पोख्रेल र अर्जुन कार्की कार्यकारी निर्माता छन् । राम बाबु गुरुङ र उपेन्द्र सुब्बाको लेखन रहेको चलचित्रमा माओत्से गुरुङको कथा छ ।