गायक हेमन्त रानाको आवाजमा रहेको ‘साईली’ बोलको म्यूजिक भिडियोमा नायिका मेनुका प्रधानको ‘साइँला’ बनेका नायक गौरव पहारी अहिले एक नयाँ चलचित्रको छायाँकनमा व्यस्त छन् । आर.वि.के. ‘शरद’ को निर्देशनमा तयार हुन लागेको चलचित्र ‘पसिना’ मा ‘साइँला’ उर्फ गौरव पहारीले नायिका अनु शाहसँग रोमान्स गर्दैछन् । यो चलचित्रको बुधवारदेखी छायाँकन आरम्भ भएको हो । आफ्नै देशमा पसिना चुहाए अवश्य सफल भइन्छ भन्ने कथामा तयार हुन लागेको यो चलचित्रमा गौरव र अनुका अलवा सरोज खनाल, रवि गिरी, सुरजनी केसी, जयनन्द लामा, सरोज अर्याल लगायतका कलाकारको पनि अभिनय रहेको छ । ललितपुरको भैसेपाटीमा हाल छायाँकन भइरहेको चलचित्रको शुटिंग सेडूल १ महिनाको रहेको छ । चाँडै आफ्नै होम प्रोडक्शनबाट चलचित्र निर्माण गर्न लागेका गौरव र म्यूजिक भिडियोमा व्यस्त नायिका अनुले पहिलो पटक एकसाथ स्क्रिन शेयर गरेका हुन ।