अफेयरको विषयमा साम्राज्ञीले खोलिन् मुख, भनिन्, ‘म प्रेममा छैन’

गएको बर्ष प्रदर्शनमा आएको अनमोल केसी स्टारर चलचित्र ‘ड्रीम्स’ मा काम गरेपछि नायिका साम्राज्ञी राज्य लक्ष्मी शाहको चर्चा अनमोलको भन्दा बढी भयो । ‘ड्रीम्स’ हेरेपछि साम्राज्ञीको तारिफ नगर्ने त सायदै भेटिए । यतिसम्मकी साम्राज्ञीको अभिनयको अगाडी अनमोल पनि फिक्का देखिए । ‘ड्रीम्स’ मा उनको कामको तारिफ जसरी भयो त्यसपछि त उनलाई अहिले भविष्यकी सुपरस्टार भन्दै परिचय दिन थालिएको छ । बोल्ड आवाजले सबैलाई मोहित पार्ने साम्राज्ञीले केही हप्ता अगाडी मात्र आफ्नो २१ औं जन्मदिन मनाइन ।
उनको बर्थडे भन्दा पनि उनले सोही दिन फेसबुकमा अपलोड गरेको एक तस्बिरले त तहल्का नै पिट्यो । कारण थियो साम्राज्ञीले प्रेमी सार्वजनिक गर्नु । जन्मदिनको दिन साम्राज्ञीले आफ्नी आमा र मयंक खड्कासँगको तस्बिर शेयर गरेकी थिइन् । फोटोसँगै उनले ‘दिनहरु बल्ल सुरु भए’ भन्दै स्टाटस पनि लेखेकी थिइन । त्यसपछि त के चाहिन्थ्यो र मिडियाहरुमा साम्राज्ञी प्रेममा छिन् भनेर समाचारहरुको बाढी नै लाग्यो । तर यस विषयमा अहिलेसम्म साम्राज्ञीले मुख खोलेकी थिइनन् । तर हालै एक अवार्ड समारोहमा उनले यस विषयमा आफ्नो विचार राखेकी छिन् । उनले मयंक खड्का आफ्नो मिल्ने साथी मात्र भएको बताएकी छिन् । ‘सिनेखबर डटकम’ सँगको छोटो कुराकानीको क्रममा उनले भनिन्, ‘जसरी मिडियाहरुमा मेरो अफेयरको विषयमा खबरहरु आए ति सबै झुट हुन् । मयंक खड्कासँग नाम जोडिएर समाचारहरु आउँदा निकै दुखी छु । मयंक खड्का मेरो सबैभन्दा मिल्ने साथी हो तर प्रेमी होइन । म सिंगल छु ।’ साम्राज्ञीले प्रेमी भनिएका मयंक खड्का साथी भनेपछि अब यस विषयमा के नै पो भन्न बाँकी रह्यो र ! उनले शनिबार कामना अवार्डमा चलचित्र ‘ड्रीम्स’ बाट सर्वोत्कृष्ट नव-नायिकाको अवार्ड पनि उचालेकी थिइन । चैत १८ गते साम्राज्ञी अमिनित चलचित्र ‘ए मेरो हजुर २’ प्रदर्शनमा आउँदैछ ।